قاااااااالى وبعدين ولا فى كلاااااااااااااااااااامة

قصيدة للشاعر : بلقاسم السحاتي

مش هضا كلامك لي -- اتهون روحي وماتهون علي -- ايش غيره

ومـش قلـت مــاننســـــــــــــــاك -- ومش قلـت ياروحــي الروح فداك

ومش قلـت ماعنـدي حيـاه بــلاك -- ومش قلت من غيرك انا لاشيء

ومش قلـت ماظني أخلق يســواك -- ومش قلت ماكيفك نظرتـه حــي

ومش قلـــت حتـى للنـار معــــاك -- لامانقـــول النــار تحـــرق فــي

ومش قلـت نمشـي حفيـان وراك -- ونحمــل الشـوك ومانقـول أحـي

ومش قلت في عهدك علي مبداك -- لاتخــوني ولايــوم تغــــدر بـــي

ومش قلت في قولك امغيـر غلاك -- ماعــاد نبـي في حياتـي شـــيء

ومازلــت نذكـر نهـار ابكــــــــاك -- اللي فيـه ماحـوتـك طلقـت ايدي

ومحــال ننســى خطمتــي يــالاك -- ومعـاك غيري في المكان ابقـي

وتضحــك ورايق ياعزيز وجـاك -- عــزم تـرفعبـه اعيـونك فـــــــي

ومحـال ننسى سود في سبــــاك -- ليــالي اطــوال النوم مابا ايجــي

وعلي ما نفكــر في سبب فرقاك -- مالقيتـلك م العـذر حتى اشـــوي

حتـى ودايــر يـاعزيـز عــــزاك -- مازال كيفـك ما انسـان اغلـــــي

تحياتي
بنـــــــــــــــــــــوته كيـــــــــــــــوته