اللى يحب الوحدة إخش هناااااا مايترددش

واخذ الخلا خلوني****لقيت في الخلا راحه اتحيد اغبوني

مليت م الونس

الخلا وامطرف****لها اسنين عيني ع البكا تشرف

ومن حيش تاومن ماعد اهناك الشرف****اللي بهن منايح ود وديتوني

وان كان ضافني ضايف الساع انخرف****عليكم ابهن وانقوله ياعوني

مجاور مسامي موش ناس هكرف****تقسيم السوايا فيه مانسيوني

وان ضافني ضايف الساع نطرف****بروحي علي روحي امغير خطوني

الخلا وانشيله****صوتي ع اللي ما اهناك مثيله

وكل حي عنده في الحياة عزيله****يلي اتريدوا ع البكا تنهوني

ونلقاه في ماننكر كبير جميله****وجحود الجميل عليه ماربوني

ناسي ولاني من اعريب زطيله****كل يوم عالق في عرب تلقوني

ان ريت قدر حفيان القدم نمشيله****وان كان خص جانح للخلا تلقوني

واليوم الموده الثابته الاصيله****دفنت وميت كيفها عدوني

الخلا وقريني****اللي قبل يضحك وين مايرعيني

واليوم كي نظرني قال لي عزيني****في عزوتي ياعزوتي اقهروني

عابي علي نصرة اليوم اتجيني****من ناسي لياسي قيسهم باعوني

وعابي علي دمعه اتحيد غبيني****القيت م السوايا جافات جفوني

وعابي علي عزمي قوي يحميني****لقيت راقه غالي مشي بديوني

وبقيت في الديار انموج ياتكويني****لاني من الحيين لا ادفنوني

الخلا فسيابي****ابروحي انريد انقول ياغيابي

لو كان تعرفوا وين الزمان مشا بي****ويش دار في وفي بصيص عيوني

خلاني بعدكم في ديار انكابي****اموجب وحابس عبرتي بسنوني

واللي لي حاسبهم عليهم عابي****ايقولوا ان طال المد هايا دوني

لقيتهم مع غيري علي مصابي****بلا عيب مني جايهم كرهوني

وان كانهوا بهم ناوي ايريد غلابي****عليه وعليهم موعره غليوني

تحياتي